تەبىئىيلىكمۇ؟ ئورگانىكمۇ؟

 ساغلاملىقنىڭ سىرىنىڭ تەبىئىيلىكتە ئىكەنلىكىنى ئالدىنقى يازمىلاردا شەرھلەشكە تىرىشتۇق. بۇ تەبىئي ھايات ئەندىزىسىگە نىسبەتەن تەبىئي ئىستېمال بۇيۇملارنىڭ ۋە تەبىئي يېمەك- ئىچمەكنىڭ مۇھىملىقىدا شەك يوق. بۇ تەبىئي مەھسۇلاتلارنىڭ قېلىپلاشقان ئىسمى ئورگانىك مەھسۇلاتلار بولۇپ، بۇ مەھسۇلاتلارنى ئىشلەپچىقىرىدىغان يىزا-ئىگىلىك تۈرىنى « ئورگانىك دېھقانچىلىق » دەپ ئاتايمىز.  ئورگانىك مەھسۇلاتلار ئۆزىگە خاس ئىشلەپچىقىرىش پرىنسىپى ۋە شەرتلىرى بولغان دېھقانچىلىقنىڭ مەھسۇلى بولۇپ،  مەھسۇلاتلار تەكشۈرۈپ بېكىتىشلەردىن ئۆتكەندىن كىيىن ئورگانىك كىنىشكىسى ئېلىپ « ئورگانىك » ماركىسى بىلەن بازارغا چىقىشى لازىم. ئورگانىك دېھقانچىلىق بولۇشى ئۈچۈن ئاۋۋال ھېچقانداق ھاشارەت ۋە ياۋا ئوت ئۆلتۈرگۈچ، خىمىيەلىك ئوغۇت ۋە ھورمونلار ئىشلىتىلمىگەن بولىشى، چاچقان ئۇرۇقنىڭ گېنى ئۆزگەرتىلمىگەن بولىشى، ئېتىزلىقنى سۇغارغان سۇلارنىڭ ھەرخىل خىمىيەلىك ماددىلار بىلەن بۇلغانمىغان بولىشى، ئەگەر بۇرۇن ئورگانىك دېھقانچىلىق ئېلىپ بېرىلمىغان بولسا تۇپراقنىڭ زەھىرىنى يوقىتىش ئۈچۈن چىققان ھوسۇلنى تۇپراققا بېرىش شەرتى بىلەن ئۈچ يىل تۇپراقنى پەرۋىش قىلىش كېرەك. بۇ شەرتلەرگە ئۇيمىغانلارغا قائىدە بويىچە ئورگانىك كىنىشكىسى بېرىلمەيدۇ. ① سىتاتىستىكىلارغا ئاساسلانغاندا ھازىر پۈتۈن دۇنيادا دېھقانچىلىقنىڭ پەقەت %2 سى ئورگانىك دېھقانچىلىق ئىكەن.②  بۇنىڭدىن كۆرۈۋېلىشقا بولدىكى ، ئورگانىك مەھسۇلاتلارنىڭ تەننەرخى يۈكسەك، كۆپ زامان ئالىدىغان، شەرتلىرى قىيىن بولغاچقا ناھايىتى ئاز مىقداردا ئىشلەپ چىقىرىلىدىغانلىقى ئۈچۈن ھازىرقى نۇرغۇن نورمال ئىنسانلارنىڭ بۇ مەھسۇلاتلارغا ئېرىشىشى مۇمكىن ئەمەس. بۇ سەۋەپلىك ئالدىنقى يازمىلىرىمىزدا قەيت قىلىپ ئۆتكەندەك يېمەكلىرىمىزدە 3000 دىن ئارتۇق خىمىيەلىك ماددا بار بولۇپ، بەدىنىمىز بىر يىلدا 2 كىلودەك ھاشارەت دورىسى ئالماقتا. بۇ خىل شارائىتتا بەدىنىمىزنىڭ ساغلام قېلىشى، كېسەل بولماسلىقى ۋە  تەبىئي ھايات سۈرۈشىمىز چۆلدىكى ئىزلاردەك تولىمۇ يىراق، تېپىش شۇنچىلىك تەس بولۇپ قالدى.

ئەسلىدە ئورگانىك دېھقانچىلىق مۇھىت ساغلاملىقنىڭ بىر ھالقىسى بولۇپ بۇ مۇھىت چەمبىرىكى ئىچىدىكى ھەر بىر ھالقا ئۆز فۇنكىسىيەسىنى ئوبدان جارى قىلدۇرغان چاغدا بىر پۈتۈن ئېكىلوگىيەلىك ساغلاملىقنى قولغا كەلتۈرگىلى بولىدۇ. بۇ ھالقىلارنىڭ بىرسىدىن مەسلە چىقىپ تەڭپۇڭلۇق بۇزۇلغاندا بىر پۈتۈنلىك ۋە تەبىئىيلكتىن سۆز ئىچىشىمىز چۈش بولۇپ قالىدۇ.

1 گىرام تۇپراقتا مىليونلىغان مىكروئورگانىزم بار بولۇپ، تۇپراققا جانلىقلىق بەخش ئەتكەن نەرسە دەل بۇ مىكروئورگانىزملاردۇر. ئەگەر خىمىيەلىك ئوغۇت ئىشلىتىلگەن تەقدىردە بۇلار ئۆلىدۇ ۋە تۇپراقلارمۇ 20 يىلغا بارماي تېرىسا گىياھ ئۈنمەيدىغان ئۆلۈك تۇپراققا ئايلىنىپ قالىدۇ. ئېتىزنىڭ قوغدىغۇچىلىرى بولغان يىلانلار، قۇشلار ۋە باشقا ھاشاراتلارنى دورىلار بىلەن يوقىتىپ ئېكىلوگىيەلىك تەڭپۇڭلۇقنى بۇزغاندىن كىيىن پەيدا بولىدىغان بالايۇ- ئاپەتنى كونترول قىلىشىمىز مۇمكىن ئەمەس. دۇنيا سۇ مىقدارىنىڭ %70 نى دېھقانچىلىقتا ئىشلىتىدىغانلىقىمىزدىن  تۇپراقلىرىمىز شور تۇپراققا ئايلانغاندىن كىيىن سۇغىرىدىغان سۇنى ئازايتىش ۋە قۇرغاقچىلىقنىڭ ئالدىنى ئېلىش تېخىمۇ مۇمكىن ئەمەس. دۇنيا مىقياسىدا كۆرۈلىۋاتقان چېكەتكە ۋە قۇرغاقچىلىق  ئاپەتلىرى بىزنىڭ خاتالىقلىرىمىزنىڭ نەتىجىسى.

بۇ خىل مۇھىتتا چوڭ بولغان توخۇ- توشقان، قوي- پادىلارمۇ ئورگانىك بولمىغانلىقى ئۈچۈن بۇ ئورگانىك بولمىغان مەھسۇلاتلارنى ئىستېمال قىلغان بىزلەرنىڭ ساغلاملىققا ئېرىشىشى، تەبىئي ھالىتىمىزنى ساقلاپ قېلىشى ناھايىتى تەس. كەچمىشتە دېھقان بوۋامنىڭ تېرىغان ھەممە نەرسىسى ئورگانىك ئىدى، ئۇ تەبىئي مۇھىتتا ياشىغانلار نە قەدەر تەلەيلىك ئىدى! ئۇ مەھسۇلاتلاردا ئاجايىپ بىر تەم ، بىر پۇراق، بىر مۇھەببەت ۋە ئەڭ مۇھىمى بىرساغلاملىق بار ئىدى. ئەمما ھازىر ئۇنداق تەبىئي بۇنداق ئورگانىك دەپ ئۆز- ئۆزىمىزنى ئالدايمىز،  خالاس. ئۇزۇن گەپنىڭ قىسقىسى تەبىئىيلىك، ئورگانىك بولۇش پەقەت بىر سۈپەت مەسىلىسى بولماستىن ئۇ ئەينى ۋاقىتتا بىر ساغلاملىق، بىر سۆيگۈ، بىر دۇنيا قاراش ۋە بىر ئىنسانلىق مەسىلىسىدۇر. 


①   http:// beslenmebulten.com/besin-serkan yimsel

②   ali ekber yılldırm- üretme tüket

كۆپ ئوقۇلغان ماقالىلەر

سۈنئىي ياغلار، دۈشمەن مايلار

  شەيتانغا < توپا يەمسەن ؟ > دەپ سورالغاندا < يېغى بار مۇ؟ > دەپ جاۋاب بېرىپتۇ. ياغلارنىڭ ئۇ قەدەر مۇھىم ئىكەنلىكىنى بىلىدىغان ھازىرقى زاماندىكى شەيتەنلار بولسا، ئىنسانلارنى توغرا يولدىن ئازدۇرۇش، ساغلاملىقىغا زىيان سېلىش ئۈچۈن  ياغلارغا رەڭ قېتىپ، ئەپسۇن پۈۋلەپ، قەلىبلەرگە ۋەسۋەسە سېلىپ مايلارنى ئاجايىپ بىر نەرسىگە ئايلاندۇرۇپ قويدىكى، شۇتاپ <  ئال بۇ ياغنى! > دېسىڭىز ئۆزلىرىمۇ يېمەيدۇ. ئالدىنقى يازمىمىزدا تەكىتلەپ ئۆتكەندەك، تەبىئەتتە ئەسلىدە ناتەبىئىي ياغ دەيدىغان بىر ياغ مەۋجۇت ئەمەس بولۇپ،  بەزىدە ئىنسانلار ئاڭسىزلىقى ، ياغلارغا بولغان تونۇشىنىڭ زەئىپلىكى تۈپەيلى كۈندىلىك تۇرمۇشتىكى ساقلاش، ئىشلىتىش جەريانىدا خاتا ئۇسۇللار بىلەن تەبئىي مايلارنى ناتەبىئىي ۋە دۈشمەن ياغلارغا ئايلاندۇرۇپ قويسا، كۆپنىچى ھاللاردا مەنپەئەتپەرەست ۋە شەيتانسىمان ئىنسانلارنىڭ قولى بىلەن  سۈنئىي ياغلار مەقسەتلىك  مەيدانغا كەلتۈرۈلۈپ، ئىنسانلارنىڭ ئىستېمال قىلىشىغا سۇنۇلماقتا. بۇ ناتەبىئىي ياغلار ئاشخانلىرىمىزغا سۇدەك ئېقىش بىلەن تەڭ،  كېسەللىكلەر ئىنسانىيەتنى سەل بولۇپ باسماقتا. شەيتانلار
Devamı

روھ قانداق ساغلام بولىدۇ؟

  ئىنسان تۇغۇلۇشىدىن روھ كېسەللىكى بىلەن تۇغۇلمايدىغانلىقىدىن ئىبارەت بۇ ھەقىقەت، روھ كېسەللىكىنىڭ ئىنساننىڭ ھامىيلىلىقتىن تارتىپ باشلانغان ھايات سەپەرىدىكى ئۇچراشقان مۇھىت، ياشىغان ئائىلە شارائىتى، ئالغان تەلىم- تەربىيىسى، يېمەك- ئىچمەك ئەندىزىسى، باشىغا كەلگەن مۇسىبەتلەر ۋە قىيىن سىناقلاردىن ئىبارەت نۇرغۇن سەۋەبلەر تۈپەيلى تۇغۇتتىن كىيىن بولدىغان بىر كېسەللىك ئىكەنلىكىنى كۆرسىتىپ بەرمەكتە. بەدەن ساقلىقىمىزدەك روھ كېسەللىكىگە قارشى تۇرۇشتا ئەڭ مۇھىمى روھ كېسىلى بولغاندىن كېيىن قانداق قىلىش ئەمەس، كېسەل بولماستىن بۇرۇن روھ ساغلاملىقىمىزنى قوغداشتۇر. بۇنىڭ ئۈچۈن ئەڭ ئاۋۋال روھقا بولغان تونۇشىمىزنى، روھ- بەدەن مۇناسىۋىتىگە بولغان ئېڭىمىزنى، روھ ساپامىزنى يۇقىرى كۆتۈرۈشىمىز لازىم. گەرچە روھ توغرۇلۇق بىزگە نېسىپ بولغان مەلۇماتلار ناھايىتى چەكلىك بولغان بولسىمۇ، ئەمما روھىمىزغا بولغان بۇ ئازغىنە ئۇچۇر، روھ بولغان چۈشەنچىلىرىمىزنى ئويغىتىپ، ئەمەلىي ھاياتىمىزغا چەكسىز ئۆزگۈرۈشلەر ئىلىپ كېلىدۇ. ئالدى بىلەن روھ ۋۇجۇدىمىزنىىڭ تۈركى بولۇپ، ھاياتلىقنىڭ، مەنىلىك ھاياتنىڭ، خۇشال تۇرمۇشنىڭ ئاساسى
Devamı

ساغلاملىقنىڭ ئېنىقلىمىسى

ساغلام ھايات ياشاش ئۈچۈن ئالدى بىلەن ئىسمىنى قويۇشىمىزغا، ئۇنى يېقىندىن تونۇشىمىزغا توغرا كېلىدۇ. ساغلاملىق زادى نېمە؟ ئۇ پەقەت كېسەل بولماسلىقىمۇ؟ ئىنسانلار بەدەن ساغلاملىقى بىلەنلا  ساغلام ھاياتقا ئېرىشەلەمدۇ؟ بەدەن ۋە روھ ساغلاملىقى ئارىسىدا بىر مۇناسىۋەت بارمۇ؟ ساغلاملىق پەقەتلا ئىنسانلارنىڭ مەسىلىسىمۇ؟ باشقا جانلىقلارنىڭ ساغلاملىقى بىز بىلەن قىلچە مۇناسىۋىتى يوقمۇ؟ بۇنىڭغا ئوخشاش نۇرغۇن سوئاللارنىڭ ئېنىق جاۋابىنى بەرمەي، ساغلاملىق ئۇقۇمىنى تولۇق ئايدىڭلاشتۇرماي تۇرۇپ ساغلاملىقنى ھاياتىمىزغا باشلاپ كىرىش ۋە كۈندىلىك پائالىيەتلىرىمىزگە تەدبىقلاش مۇمكىن بولمايدۇ. بىلمىگەن شەيئىلەر بىزگە شۇنچىلىك ئۇزاق، تەس ۋە تىلسىمدەك بىلىنگەچكە، ئالقىنىمىزدىكى ئەڭ مۇھىم ئىشنى دوختۇرلارغا، تېۋىپلارغا ۋە باشقىلارغا ھاۋالە قىلىپ ساغلاملىقىمىزدىن ئەڭ دەسلەپتە ئۆزىمىز ۋاز كېچىمىز. قائىدە شۇ:  بىلمىگەن نەرسەڭگە ئېرىشەلمەيسەن! بۇ سەۋەپلىك 1948- يىلى دۇنيا سەھىيە تەشكىلاتى ساغلاملىقنى مۇنداق ئىزاھلىدى:« ساغلاملىق- بەدەن، روھ ۋە ئىجتىمائىي ساقلىق بولۇپ، پەقەتلا كېسەل بولماسلىق ۋە يارىلانماسلىقتىن ئىبارەت
Devamı