ھەكىم ئىزى

ساغلاملىقنىڭ سىرى تەبئىيلىكنىڭ ئىزىغا كۆمەگلىكتۇر. تەبىئىيلىك ئۇزۇن زاماندىن بېرى ئىنسانلارغا چۆلدىكى ئىزدەك ئۇ قەدەر يىراقلىشىپ كەتتىكى، ئۇنى  تېپىش شۇنچىلىك تەس بولۇپ قالدى. تەبىئىيلىكتىن ئايرىلغان ئىنسان ساغلاملىققا،چۆلدە سۇغا تەشنا بولغان كىشىدەك تولىمۇ تەشنا. لېكىن شۇنىڭ بىلەن بىر ۋاقىتتا بۇ ئىنسان دۇنيانىڭ تەرەققىي قىلىشىغا ئەگىشىپ ھەر  تەرەپتىن چىققان تۈرلۈك بوران چاپقۇن تۈپەيلى كۆمۈلگەن ئىزلارنى تاپالماي تېڭىرقىماقتا. بۇ تېڭىرقاشنى پۇرسەت بىلگەن شىركەتلەر،جەمئىيەتلەر ۋە شەخسلەر ئېزىتقۇدەك چۆللەردە ھېرىپ چارچىغان، بىتاپ چۈشكەن ئىنسانلارنى ئالداش ۋە توغرا يولدىن ئازدۇرۇش ئۈچۈن ئاللىبۇرۇن ھەرىكەتكە ئۆتۈپ بولدى. بۇ ئىنسانلارغا كېسەللىك چۆلىدە سۇ بولۇپ تەشنالىقىنى قاندۇرۇش، تېڭىرقاشلىرىنى تۈگىتىپ دەردىگە داۋا بولۇش، شۇنداقلا ساغلاملىق بوستانىغا يېتەكلەش  مەقسىتىدە، تارىخ سەھىپىلىردىن ئىنسانلارغا ساغلاملىق بەخش ئەتكەن ھەكىملەرنىڭ ئىزلىرىنى قوغلاپ، بۇ چەكسىز كېسەللىك چۆللۈكىدە چۆل كېمىسىگە مېنىپ، ئىلىم-پەننىڭ بىزگە بەرگەن كومپاسنى بېلىمگە باغلاپ يولغا چىقتىم.                                             

                                                                                                               --- ئىزچى        


كۆپ ئوقۇلغان ماقالىلەر

سۈنئىي ياغلار، دۈشمەن مايلار

  شەيتانغا < توپا يەمسەن ؟ > دەپ سورالغاندا < يېغى بار مۇ؟ > دەپ جاۋاب بېرىپتۇ. ياغلارنىڭ ئۇ قەدەر مۇھىم ئىكەنلىكىنى بىلىدىغان ھازىرقى زاماندىكى شەيتەنلار بولسا، ئىنسانلارنى توغرا يولدىن ئازدۇرۇش، ساغلاملىقىغا زىيان سېلىش ئۈچۈن  ياغلارغا رەڭ قېتىپ، ئەپسۇن پۈۋلەپ، قەلىبلەرگە ۋەسۋەسە سېلىپ مايلارنى ئاجايىپ بىر نەرسىگە ئايلاندۇرۇپ قويدىكى، شۇتاپ <  ئال بۇ ياغنى! > دېسىڭىز ئۆزلىرىمۇ يېمەيدۇ. ئالدىنقى يازمىمىزدا تەكىتلەپ ئۆتكەندەك، تەبىئەتتە ئەسلىدە ناتەبىئىي ياغ دەيدىغان بىر ياغ مەۋجۇت ئەمەس بولۇپ،  بەزىدە ئىنسانلار ئاڭسىزلىقى ، ياغلارغا بولغان تونۇشىنىڭ زەئىپلىكى تۈپەيلى كۈندىلىك تۇرمۇشتىكى ساقلاش، ئىشلىتىش جەريانىدا خاتا ئۇسۇللار بىلەن تەبئىي مايلارنى ناتەبىئىي ۋە دۈشمەن ياغلارغا ئايلاندۇرۇپ قويسا، كۆپنىچى ھاللاردا مەنپەئەتپەرەست ۋە شەيتانسىمان ئىنسانلارنىڭ قولى بىلەن  سۈنئىي ياغلار مەقسەتلىك  مەيدانغا كەلتۈرۈلۈپ، ئىنسانلارنىڭ ئىستېمال قىلىشىغا سۇنۇلماقتا. بۇ ناتەبىئىي ياغلار ئاشخانلىرىمىزغا سۇدەك ئېقىش بىلەن تەڭ،  كېسەللىكلەر ئىنسانىيەتنى سەل بولۇپ باسماقتا. شەيتانلار
Devamı

ساغلاملىقنىڭ ئېنىقلىمىسى

ساغلام ھايات ياشاش ئۈچۈن ئالدى بىلەن ئىسمىنى قويۇشىمىزغا، ئۇنى يېقىندىن تونۇشىمىزغا توغرا كېلىدۇ. ساغلاملىق زادى نېمە؟ ئۇ پەقەت كېسەل بولماسلىقىمۇ؟ ئىنسانلار بەدەن ساغلاملىقى بىلەنلا  ساغلام ھاياتقا ئېرىشەلەمدۇ؟ بەدەن ۋە روھ ساغلاملىقى ئارىسىدا بىر مۇناسىۋەت بارمۇ؟ ساغلاملىق پەقەتلا ئىنسانلارنىڭ مەسىلىسىمۇ؟ باشقا جانلىقلارنىڭ ساغلاملىقى بىز بىلەن قىلچە مۇناسىۋىتى يوقمۇ؟ بۇنىڭغا ئوخشاش نۇرغۇن سوئاللارنىڭ ئېنىق جاۋابىنى بەرمەي، ساغلاملىق ئۇقۇمىنى تولۇق ئايدىڭلاشتۇرماي تۇرۇپ ساغلاملىقنى ھاياتىمىزغا باشلاپ كىرىش ۋە كۈندىلىك پائالىيەتلىرىمىزگە تەدبىقلاش مۇمكىن بولمايدۇ. بىلمىگەن شەيئىلەر بىزگە شۇنچىلىك ئۇزاق، تەس ۋە تىلسىمدەك بىلىنگەچكە، ئالقىنىمىزدىكى ئەڭ مۇھىم ئىشنى دوختۇرلارغا، تېۋىپلارغا ۋە باشقىلارغا ھاۋالە قىلىپ ساغلاملىقىمىزدىن ئەڭ دەسلەپتە ئۆزىمىز ۋاز كېچىمىز. قائىدە شۇ:  بىلمىگەن نەرسەڭگە ئېرىشەلمەيسەن! بۇ سەۋەپلىك 1948- يىلى دۇنيا سەھىيە تەشكىلاتى ساغلاملىقنى مۇنداق ئىزاھلىدى:« ساغلاملىق- بەدەن، روھ ۋە ئىجتىمائىي ساقلىق بولۇپ، پەقەتلا كېسەل بولماسلىق ۋە يارىلانماسلىقتىن ئىبارەت
Devamı

روھ قانداق ساغلام بولىدۇ؟

  ئىنسان تۇغۇلۇشىدىن روھ كېسەللىكى بىلەن تۇغۇلمايدىغانلىقىدىن ئىبارەت بۇ ھەقىقەت، روھ كېسەللىكىنىڭ ئىنساننىڭ ھامىيلىلىقتىن تارتىپ باشلانغان ھايات سەپەرىدىكى ئۇچراشقان مۇھىت، ياشىغان ئائىلە شارائىتى، ئالغان تەلىم- تەربىيىسى، يېمەك- ئىچمەك ئەندىزىسى، باشىغا كەلگەن مۇسىبەتلەر ۋە قىيىن سىناقلاردىن ئىبارەت نۇرغۇن سەۋەبلەر تۈپەيلى تۇغۇتتىن كىيىن بولدىغان بىر كېسەللىك ئىكەنلىكىنى كۆرسىتىپ بەرمەكتە. بەدەن ساقلىقىمىزدەك روھ كېسەللىكىگە قارشى تۇرۇشتا ئەڭ مۇھىمى روھ كېسىلى بولغاندىن كېيىن قانداق قىلىش ئەمەس، كېسەل بولماستىن بۇرۇن روھ ساغلاملىقىمىزنى قوغداشتۇر. بۇنىڭ ئۈچۈن ئەڭ ئاۋۋال روھقا بولغان تونۇشىمىزنى، روھ- بەدەن مۇناسىۋىتىگە بولغان ئېڭىمىزنى، روھ ساپامىزنى يۇقىرى كۆتۈرۈشىمىز لازىم. گەرچە روھ توغرۇلۇق بىزگە نېسىپ بولغان مەلۇماتلار ناھايىتى چەكلىك بولغان بولسىمۇ، ئەمما روھىمىزغا بولغان بۇ ئازغىنە ئۇچۇر، روھ بولغان چۈشەنچىلىرىمىزنى ئويغىتىپ، ئەمەلىي ھاياتىمىزغا چەكسىز ئۆزگۈرۈشلەر ئىلىپ كېلىدۇ. ئالدى بىلەن روھ ۋۇجۇدىمىزنىىڭ تۈركى بولۇپ، ھاياتلىقنىڭ، مەنىلىك ھاياتنىڭ، خۇشال تۇرمۇشنىڭ ئاساسى
Devamı